Proxecto «Actívate»

O Programa ACTÍVATE é un programa dirixido a mulleres en situación de especial vulnerabilidade, que combina accións de información e orientación, formación, prospección de empresas, intermediación laboral e asesoramento en autoemprego.

Obxectivo Xeral: O obxectivo xeral destas accións será proporcionar as mulleres beneficiarias, asesoramento e apoio para que atopen un emprego por conta propia ou allea, adecuado ás súas características persoais e profesionais, realizando accións de información, orientación e procura de emprego articuladas en itinerarios personalizados de inserción profesional e dirixidas a mellorar as posibilidades de ocupación.

Destinatarios/as: As destinatarias serán 14 mulleres de algún dos seguintes colectivos:

• Vítimas de violencia de xénero ou de violencia doméstica.
• Inmigrantes, emigrantes retornadas ou refuxiadas.
• Pertencentes a unha minoría étnica.
• Perceptoras de rendas de integración, subsidios ou prestacións similares.
• Ex-reclusas.
• Procedentes de núcleos familiares con ingresos inferiores a 2,5 veces o IPREM.
• Sen titulación ou con baixa cualificación.
• Desempregadas menores de 30 anos ou maiores de 45 anos.

Actividades que se levan a cabo: 

• Titorías individualizadas

• Titorías/formación grupal Estas accións ou titorías colectivas/grupais axudarán a incrementar os coñecementos teóricos básicos en materia de emprego e autoemprego das usuarias, así como, os seus recursos persoais, para que desta maneira afronten o seu acceso ao mercado laboral, e que este sexa efectivo logrando unha maior cualificación, adquirindo habilidades sociais, enfrontándose a unha entrevista de traballo con maior calidade, aprendendo conductas precisas para causar unha impresión positiva no entrevistador. As usuarias que estean interesadas na creación do seu propio negocio recibirán asesoramento legal, xurídico… necesario para levar adiante a súa idea empresarial.
• Formación en competencias dixitais
• Formación prelaboral no sector de hostalaría e realización de prácticas profesionais non laborais en empresas do sector.

Temporalidade: Do 9 de setembro de 2024 ao 31 de agosto de 2025.

Dito programa desenvolvese co apoio da Dirección Xeral de Promoción da Igualdade da Xunta de Galicia, a través das subvencións a entidades de iniciativa social para programas dirixidos a mulleres en situación de especial vulnarabilidade. O programa está financiado Esta actuación está cofinanciada pola Unión Europea co obxectivo de fomentar a igualdade de oportunidades para contribuír á redución da dobre discriminación na que se atopan as mulleres en situación de especial vulnerabilidade.