Proxecto “Actívate”
O Programa ACTÍVATE é un programa dirixido a mulleres en situación de especial vulnerabilidade, que combina accións de información e orientación, formación, prospección de empresas, intermediación laboral e asesoramento en autoemprego.
Obxectivo Xeral: O obxectivo xeral destas accións será proporcionar as mulleres beneficiarias, asesoramento e apoio para que atopen un emprego por conta propia ou allea, adecuado ás súas características persoais e profesionais, realizando accións de información, orientación e procura de emprego articuladas en itinerarios personalizados de inserción profesional e dirixidas a mellorar as posibilidades de ocupación.
Destinatarios/as: As destinatarias serán 10 mulleres de algún dos seguintes colectivos:
- Vítimas de violencia de xénero ou de violencia doméstica.
- Inmigrantes, emigrantes retornadas ou refuxiadas.
- Pertencentes a unha minoría étnica.
- Perceptoras de rendas de integración, subsidios ou prestacións similares.
- Ex-reclusas.
- Procedentes de núcleos familiares con ingresos inferiores a 2,5 veces o IPREM.
Actividades que se levan a cabo:
- Actividades para a adquisición de habilidades persoais e sociais básicas ou de competencias para a mellora da empregabilidade.
- Servizos ou medidas de apoio e orientación laboral para a mellora da empregabilidade e de acompañamento na busca de emprego, incluído o emprego por conta propia e o emprendemento, así como a prospección do mercado de traballo, a intermediación e a titorización laboral e profesional.
Temporalidade: Do 1 de Outubro de 2018 ao 30 de Setembro de 2019.
Dito programa desenvolvese co apoio da Secretaría Xeral da Igualdade da Xunta de Galicia. O programa está financiado nun 80% polo Fondo Social Europeo dentro do programa operativo FSE Galicia 2014-2020.
