Actívate para emprender

O Proxecto ACTÍVATE PARA EMPRENDER, é un proxecto que está destinado a mozos e mozas  menores de 35 anos, que contemplen o emprendemento como unha opción de futuro.

Obxectivo Xeral: O Proxecto ACTÍVATE PARA EMPRENDER é unha iniciativa de CIMO, que ten como finalidade detectar as diferentes fontes xeradoras de ideas empresariais e ofrecer ferramentas para axudar a avalialas, así como achegar aos mozos e mozas a cada un dos pasos necesarios para transformar unha idea nun proxecto de empresa.

Destinatarios/as: As persoas destinatarias serán 30 mozos e mozas, maiores de 16 e menores de 35 anos.

Actividades que se levan a cabo: 

• Actividade Inspírate: Obradoiro de Xeración de Ideas de Negocio (Setembro – Outubro 2022)
• Actividade Fórmate: Obradoiro «Aprender a emprender» (Setembro – Outubro 2022)
• Actividade Asesórate: Titorías individuais de asesoramento para o emprendemento: Xestión de trámites de constitución, asesoramento na elaboración do plan de empresa, axudas e subvencións para emprendedor@s (Aberto o prazo durante todo o ano).

O devandito programa desenvólvese co apoio da Dirección Xeral de Xuventude, Participación e Voluntariado da Consellería de Política Social e Xuventude – Xunta de Galicia.

Inscríbete ou solicita cita previa no correo autoemprego@cimo.org ou no teléfono 988391515 (tamén atendemos por WhatsApp)