Proxecto «Ponte en marcha»

O programa PONTE EN MARCHA engloba un conxunto de actuacións destinadas a mellorar as habilidades sociais das persoas con máis dificultades, axudándolles a situarse en mellores condicións na sociedade actual, reforzando as súas capacidades, diminuíndo os seus obstáculos persoais e da contorna, favorecendo a súa autonomía e dotándolles dos recursos necesarios para a súa integración plena na sociedade.

Obxectivo Xeral: O obxectivo xeral destas accións será proporcionar as persoas beneficiarias, información, asesoramento e apoio para mellorar as súas competencias, tanto a nivel persoal como a nivel social

• Motivar, acompañar e incentivar o seu proceso de integración social.
• Fomentar a súa autoestima.
• Facilitar a adquisición de ferramentas e habilidades que melloren a súa interacción e comunicación coa sociedade en xeral.
• Favorecer a adquisición de aptitudes, actitudes e habilidades para un desenvolvemento social satisfactorio.
• Reforzar as políticas de igualdade de oportunidades entre homes e mulleres na sociedade.

Destinatarios/as: O colectivo destinatario serán homes e mulleres beneficiarios das accións do Plan Galego de Inclusión Social, persoas perceptoras da renda de Inclusión Social (ou membros da súa unidade de convivencia, persoas en situación de risco ou exclusión social derivadas da rede de equipos de inclusión social e todas aquelas persoas afectadas por factores de exclusión social (2 persoas).

Temporalidade: O proxecto desenvolverase ata o 30 de novembro de 2020.

Dito programa desenvolvese co apoio da Consellería de Politica Social da Xunta de Galicia, e cofinanciada pola Unión Europea.