Programa New Start Woman

O obxectivo do programa New Start Woman é o de fomentar a cultura emprendedora e a empregabilidade das mulleres participantes a través de actividades de formación relacionadas co emprendemento empresarial en Economía Social e Solidaria,  así como o asesoramento e acompañamento para a posta en marcha de novos proxectos é favorecer e promover a creación de emprego sostible e de calidade.

Este programa desenvolverase entre os meses de abril e outubro de 2024.

Actividades de formación: 

• Datas: 23, 24, 25, 28 e 29 de outubro de 2024
• Horario: de 09:00 a 14:00 horas
• Modalidade: Presencial
• Obxectivos:
  – Coñecer as distintas formas xurídicas en economía social.
  – Experimentar o proceso de posta en marcha dunha empresa de economía social.
  – Determinar claramente o seu proxecto e a súa oferta de valor.
  – Identificar o seu mercado e determinar o posicionamento dentro do mesmo.
  – Analizar a competencia e identificar eixos de cooperación co tecido existente.
  – Identificar os seus segmentos de clientes e/ou de usuarios.
  – Facer unha planificación estratéxica dos seus proxectos.
  – Determinar unha previsión de custos e ingresos dos seus proxectos.
  – Facer unha previsión financeira dos seus proxectos e comprobado a viabilidade económica do mesmo.
  – Identificar as fontes de  financiamento posibles para os seus proxectos
  – Adquirir as habilidades para comunicar e adaptar a súa mensaxe en función das persoas a quen vai dirixido.
  – Coñecer as obrigas fiscais das empresas de economía social.
  – Obter contactos pertinente de proxectos similares aos seus para poñerse en rede.
• Público obxectivo: Mulleres que están interesadas en formarse e por en marcha unha iniciativa en economía social
• Programa “NEW START WOMAN” (25 horas):
• Sesión 1.- Entidades de Economía Social: Aspectos clave na elección da Forma Xurídica_ Duración 5 horas.
  • Definición da economía social
  • Principios que rexen a economía social
  • Tipos de entidades de economía social
• Sesión 2: Entidades de economía social: Trámites de Constitución_ Duración 5 horas
  • Formas xurídicas e trámites de constitución
• Sesión 3.- Plan de Empresa e implantación dun Modelo de Negocio Sostible en Entidades de Economía Social: O Método Canvas_ Duración 5 horas.
  • Creación e emprendemento en economía social
  • O Plan de Empresa
• Sesión 4.- Viabilidade económica-financeira e Incentivos á Economía Social: Axudas e Subvencións_ Duración 5 horas.
  • Estudo da Viabilidade Económica – Financeira  nas entidades de Economía Social
  • Incentivos á Economía Social: Axudas e Subvencións
• Sesión 5.- Fiscalidade para emprendedores en Economía Social_ Duración 5 horas.
  • Introdución ao sistema impositivo
  • Obrigacións tributarias das entidades de economía social
  • Réxime especial de Cooperativas
  • Fiscalidade de Sociedades Laborais
  • Fiscalidade das Asociacións

• Inscrición:
  •  Gratuíta
  • Ata o 22 de outubro de 2024
  • A través deste formulario de inscrición ou no teléfono 988 39 15 15

Esta actividade enmárcase no programa de actuación 2024 da Rede Eusumo. A Rede Eusumo é unha rede de colaboración impulsada pola Secretaría Xeral de Emprego e Relacións Laborais da Consellería de Emprego, Comercio e Emigración para o fomento do cooperativismo e a economía social que conta co financiamento do Ministerio de Traballo e Economía Social.