Proxecto «Atenea»
O Proxecto ATENEA está dirixido a facilitar a incorporación á vida laboral e o mantemento do emprego do colectivo de en situación de alta vulnerabilidade social e/ou risco de exclusión social da comarca de Ourense e a súa zona de influencia (concello de Ourense e limítrofes- Barbadás, San Cibrao das Viñas, O Pereiro de Aguiar, Coles, Toén …).
Obxectivo Xeral: O obxectivo xeral destas accións será proporcionar as persoas beneficiarias, asesoramento e apoio para que atopen un emprego por conta propia ou allea, adecuado ás súas características persoais e profesionais, realizando accións de información, orientación e procura de emprego articuladas en itinerarios personalizados de inserción profesional e dirixidas a mellorar as posibilidades de ocupación.
Destinatarios/as: Persoas adultas en situación de alta vulnerabilidade social e/ou risco de exclusión social da comarca de Ourense e a súa zona de influencia
As persoas beneficiarias poderán participar en diversas accións:
- Titorías individualizadas: En todo momento estas persoas terán un técnico/a de referencia, que lle facilitase información, asesoramento, así como realizará un seguimento da resposta e participación nas diferentes accións expostas.
- Titorías/formación grupal: Ademais das accións
realizadas a nivel individual, é importante realizar accións en grupo ou de carácter colectivo co fin de fomentar a cohesión grupal das
participantes, favorecendo deste xeito o contacto entre elas, aumentando a súa rede de contactos e favorecendo a aprendizaxe a
través das experiencias persoais de cada unha delas en materia de emprego.
As usuarias que estean interesadas na creación do seu propio negocio recibirán asesoramento legal, xurídico… necesario para levar adiante a súa idea empresarial. - Formación prelaboral: curso de Manipulación de alimentos – 10 horas de duración (formación on-line), Preparación e venta de peixe – 40 horas de duración (formación presencial) con prácticas profesionais non laborais en empresas.
Temporalidade: De xaneiro a novembro de 2026
Dito programa desenvólvese co apoio da EXCELENTÍSIMA DEPUTACIÓN DE OURENSE, a través da convocatoria do concurso público para a concesión de subvencións para entidades sociais sen ánimo de lucro para proxectos de carácter social, ano 2026.
Podes solicitar máis información ou realizar a inscripción no programa a través do seguinte enlace: Formulario de inscripción ou solicita cita previa no correo orientacion.laboral@cimo.org ou no teléfono 988391515 (tamén atendemos por WhatsApp)
